Aao dosto, aaj hum aapko ek aise daravne aur bhayanak kahani ke baare mein batayenge jo ek real incident par adharit hai. Yeh kahani ek aatma ki jo aaina mai kaid thi, jo logon ki rooh ko churati thi aur unki jaan le leti thi. Is aaine ke saath kaun si kahani chupi hai yeh koi nahi janta tha. chalo ish kahani mai aage badh ke ish Haunted mirror ke bare mai jante hai jo aage ja ke aur tabhai karne wali thi.
Yeh kahani ek purane haweli ki hai, jahan ek antique aur khoobsurat aaina rakha hua tha, jise logon ne “The Cursed haunted Mirror” rakha tha. Is aaine mein kuch aisa tha jo aam aaine mein nahi hota tha. Yeh aaina logon ke chehre ki asliyat ko chupata tha aur unki rooh ki shakti ko churata tha.
Haweli ke malik ne is aaine ko ek purani mandir se kharida tha. Bina kuch ish aaine ke bare mai jante Usne is aaine ko apne haweli mein lagaya, lekin jaldi hi woh pagal aur bimar hone laga. Usne dekha ki har raat aaine mein kuch ajib cheezein dikhai deti thi aur rone ki awaz aati thi. Uske sabhi naukorn ke chehron par dard aur dar dikhai dene laga. Phir ek din, sabse pehle bhayanak hadsa hua.
Ek raat, haweli mein ek party thi. Log nachte gaate masti kar rahe the. Par jab woh party khatam hui aur sab log ush antique aaine ke samne khade hue, toh unhone dekha ki aaine mein unki tasveerein nahi thi. Balki woh wahan ek ajib duniya mein the, jahan unka dard aur andhera unke saath tha.
Is party ke baad, haweli mein ek bhayanak mahaul fail gaya. Logon ki halat din-pratidin kharab hoti gayi. Woh log bimar pad gaye, unka chehra murda dikhne laga, aur phir ek ek karke, log marte gaye. Sabse bada hairat ki baat thi ki sabke chehre aaine mein bilkul theek dikhate the, lekin asal jindagi mein unka haalat kharab hota gaya.
Haweli ke malik ne ek pandit ko bulaya. Lekin jab pandit aaine ke samne aaye, toh ushne bhi wohi bhayanak tasveerein dikhai dene lagi. Aaine se aavaz aane lagi, aur unhone kisi ki rone ki aavaz suni.
Pandit ne ek mahan aur gyani tantrik ko bulaya, jo is bhayanak aaine ko shant karne mein safal ho sake. Tantrik ne ek purane mantra ka istemal kiya aur aaine ke andar chhipi shaktiyon ko bahar nikala ne ki kosis ki. Lekin jab yeh mantra istemal kar rahe the tho ek darawani aavaz ayi.
Tantrik ne aavaz ka pata lagaya aur yeh pata chala ki yeh aavaz ek shaitani atma ki hai, jo aaine mein band thi. Shaitan ne aaine mein apni shaktiyan chhupai thi aur jab woh azaadi chahti thi, toh woh logon ki zindagiyan le leti thi. Jab tantrik ne shaitan se samjhauta kiya, toh woh maan gaya ki woh aaine se niklega, lekin usne ek shart rakhi.
Shaitan ne kaha ki woh aaine se tabhi niklega jab usko ek insaan apne ichchha se aaine mein dekhega. Tantrik ne samjha ki yeh shart aasan hai, lekin asal mein woh bahut mushkil thi. Kyunki aaine mein apni asliyat dekhkar koi bhi insan mar jata tha.
Aakhirkaar, ek samvedansheel aadmi aaye, jo shaitan ko aaine mein dekhne ki ichchha rakhta tha. Jab woh aaine ke samne khada hua, toh usne shaitan ko dekha. Shaitan ne use daraane ki koshish ki, lekin woh aadmi himmat se khada raha. Usne shaitan ko aaine se bahar nikala aur tantrik ne shaitan ko ek sanduk mai band kar diya. Aur ek ghane jungle mai jaa ke use jamin mai hamesha ke dafan kar diya.